Pacquiao at Diaz, Sino Ang Lamang?

Nagkaharap na kamakailan sina Pacman at David Diaz, para sa nalalapit na laban nila sa Hunyo 28! Sa kanilang pagkakaharap, nalaman na rin kung sino ang mas llamado sa laban! Ayon kay Pacman, "Ah, mas lamang tayo! ...kasi artista ako eh! Mas lamang ako sa pogi points!"

NFA: No Rice Shortage

Siniguro ng National Food Authority na hindi mauubusan ng bigas ang Pilipinas! Ngunit ang problema ng mga mamamayan, hindi ang stock ng NFA na bigas, kundi ang pambili ng bigas!

Solusyon sa Tumataas na Crime Rate!

Normal na sa atin ang mapanood sa telebisyon ang may pinapatay! Tila walang nagagawa ang mga Man in Uniforms para masolusyonan ito o mapigilan man lang ang pagtaas ng crime rate! "Ano, Boss... hihintayin pa ba natin si Iron Man?"

Matagal ng Malalang Karamdaman, Ngayon Lang Naibunyag!

Nepotism, ang karamdamang ngayon lang naibunyag pero matagal ng sakit ng mga pampublikong opisina! Kung alam nyo lan, laganap na po yang sakit na yan! "Bossing, ang Government Offices ay hindi po Family Bussiness!"

Wonder Bread, Sagot daw sa Price Crisis!

Pagkatapos ng Yellow Pan De Sal. Heto ngayon ang Wonder Bread, ang tinapay na nilagyan ng Malunggay at Patatas, at ibinebente ng mas mura! Naku, huwag na kayong magtaka kung darating ang panahon na pati bato ay gagawin na ring tinapay! At hindi na yan himala, dahil walang himala! Kung bababa ang presyo ng bilihin, yan ang himala!

Pacquiao, nanalo kasabay ni Golden Boy!

Kasabay ng pagpapanalo ni Golden Boy Oscar Dela Hoya laban kay Forbes kahapon, nanalo rin ang ating Pambansang Kamao! Congatulations din Pacman sa kanyang pagpapanalo sa sabungan!